START!
Minsan nasabi ko kay Kuya John (CS Chorale), "grabe ang igsi ng sembreak. Two weeks laaaaang.. D:"
Sabi niya naman, "nagsummer ka no?"
Ngayon ko lang na-realize na ang tanging pahinga ko (at karamihan sa inyo) lang ay ang kakapiranggot na sem break (na binawasan pa ng enrolment) at Christmas vacation (na malamang ay babawasan pa rin ng mga nagpapaka-major na subjects). Tapos ang lakas pa pala ng loob ko na magsummer ng Chem40 (biochem) ngayong subra-subra na ang ka-haggardan ko sa buhay + meron pa akong tapdance ng alas siete ng umaga ngayong second sem. Kasi naman crs eh.
Lima kasi ang inenlist kong PE. Skin diving. Scuba diving. Ten-pin bowling. Walking for fitness. Tapdance. Joke lang talaga 'yung tapdance. Siningit ko lang siya kasi kasya sa sked ko. Conflict sa isa't isa 'yung tatlong nauna. Si walking ay nasa hapon; si tapdance na least priority, sa umaga. Eh ganun talaga 'pag hindi nag-iisip. Ayan tuloy ang napala ko. 'Yung walang ka-conflict na joke lang dapat ang nakuha. Ang pangit, alas siete 'yun ng umaga. o_o Mas malala pa, kasunod niya ay Bio12. D: Ang maganda lang, kumpleto na subjects ko! :P Pero naniniwala akong hindi na ako ma-lelate kasi naniniwala akong sa susunod na sem ay may bahay na kaming malapit sa up.
Sa kasamaang palad, wala pa rin kaming nahahanap na bahay. Nag"hanap" kami minsan, ngunit ang naratnan lang namin ay mga apartment na pangmag-asawa at mga duplex na pang-isang barangay. Utang na loob, apat kami. Ako. Ben. Greggy. Mikael. Wala ba diyan na pang-apat? Kahit saan basta "Ma-" ang simula ng street name. O kaya sa may katips.. Kahit saan basta gusto namin. hahaha O tapos uuwi pa 'tong si Panget sa Leyte.
Gusto ko ring sumakay ng eroplanong mapapadpad sa isang lokal na paroroonan. Gusto kong makarinig ng Bisayang wika. Gusto kong maka-tikim ng itim na sinigang. Gusto kong masilayan ang Pilipinas na hindi Region IV o III. Gusto kong malibing sa beach. Gusto kong maghike at pagpawisan. Gusto kong matapilok sa kweba. Gusto kong magpadaloy sa rapids. Gusto kong magswing sa isang baging at magpahagis sa isang sapa na malinis. Parang awa niyo na alisin niyo ko sa Maynila para magamit ko naman 'tong camera ko!
Bumili ako ngayong linggo ng isang slr camera. 'Yung film. Nung kinausap ko nga si Ms. Naomi Quimpo ('yung may-ari dati, oo second hand) na nakita ko sa sulit.com, una niyang sinabi sa akin, "film 'to ah." Sabi ko naman, "oo nga. :D" Bakit hindi dslr? Kasi wala naman akong perang ganun kalaki. hahaha At parang mas rewarding kasi kapag hindi mo nakikita 'yung pictures pagkakuha mo tapos malalaman mo na lang na may nakuha kang matino. Hindi ako nagpapaka-plastik ah. Hahaha Magastos nga lang pero ok naman. Kesa naman sa beer at yosi. :P
Beer at yosi na parehong nasa Gerry's grille kung saan kami ay kumain para i-celebrate ang buhay ni Mich. Sarap ng food. Nag-iceskating din kami nang todo-todo at ngumiti at naghi sa mga fans hanggang sumakit ang aming mga paa at ma-misplace ang mga pelvic girdle. :P Belated happy birthday Greggy! Advanced happy birthday Mich! pero...
Happy birthday Shayne! muna!
Ang dami talagang may birthday ng October. Ang saya. Sobrang salungat sa nararamdaman ko nung Sabado. Dapat kasi, ang pinoproblema ko noong Sabado ay kung pupunta ako sa IFL para sa sisterhood, o sa retreat ng batch 2010 sa Angels' Hills. Pero hindi. Dahil ang pinoproblema ko ay ang Chem 26 finals! -____- Pagkatapos ng finals ko, ang lungkot-lungkot. Dark. Lonely. Wala akong makausap. Natulog lang ako buong araw kung kailan hindi ko naman kailangan ng tulog. Gusto kong makipaglaro. Gusto kong magcounselor. Pero wala akong nagawa. Acads talaga oh.
Ang pangit ng performance ko this sem. As in sooooobrang pangit. Ang pangit pangit pangit pangit. Bakit ganun? Haggard naman ako ah.. Bakit hindi narereflect sa grades 'yung effort ko??? Nakaka-asar!!! X( Aynako ayoko na magdwell sa hindi happy thoughts.
Henson, obviously hindi pa ito 'yung sampung happy thoughts (hahaha ang pilit). Pero kung may nakita kang happy, i-count mo na 'yun. hahaha
END.
No comments:
Post a Comment