Mga mamamatay-tao, nakakatakot din.
Pati 'yong pagpito sa iyo ng isang MMDA ta's ikaw kunwari 'yong nagdadrive.
Nakakatakot mahulog sa balong malalim.
Nakakatakot makagat ng isang asong ulol.
Nakakatakot malunod sa loob ng washing machine. 'Yong gumagana.
Nakakatakot umibig nang husto ta's masasaktan ka lang.
Mukha mo, minsan.
Pero mas nakakatakot ay 'yong makalimot ka ng birthday ng isa mong matalik na kaibigang hinding-hindi naman nakalilimot ng birthday mo. Kasi masakit 'yon para sa kanya. Maraming beses na akong nakasakit at nasaktan ng isang matalik ding kaibigan. At iyon ang pinaka-ayoko nang gawing muli sa buhay ko. Kasi ayoko nang malayo sa isa na namang taong dati pang may puwang sa puso ko dahil sa kapabayaan. O dahil sa aking pagiging makasarili. Patawarin mo ako, kaibigan. Hindi ko sinasadyang hindi ka mabati sa tamang oras.
Pero salamat na rin sa Diyos at nagi namang masaya ang espesyal na araw ng iyong kapanganakan. Pagpalain ka nawa ni Lord ng mas marami pang kaibigang hindi marunong kumalimot.
